一家四口龍鳳胎豬仔之家

2016年2月9日星期二

年初二大戰東華嘉年華

尋日應承O左俊俊妍妍今日會帶佢O地去玩！

一早起身食飽飽就出發去啟德嘉年華喇！

我O地12點半去到，可以話係無咩人！

入場仲同財神拎多4封利是！

夾埋尋日拎O既，總共有4張免費攤位遊戲券！

雖然係免費入場，但因為要買全日任玩套票俾俊俊妍妍，所以都去O左買飛！

好在仲早，唔使排隊就買到喇！

一入場俊俊妍妍就去玩長長SIR滑梯！

俊俊妍妍玩完呆O左咁坐O係跑道咁！

唔知係因為太刺激定興奮過頭唔識反應呢，哈！

之後就去玩咖啡杯喇！

再黎就玩小型海盜船同坐船仔！

仲有玩埋高高SIR滑梯！

各O岩俊俊妍妍自己一個玩O既遊戲玩完一次後就去睇O的攤位遊戲喇！

俊俊妍妍要求話話拋籃球！

先用O左1張免費COUPON！

妍妍就贏O左隻大獎粉紅BEAR BEAR喇！

當俊俊話佢贏唔到，點知陳爸爸就拎O左隻頸巾BEAR BEAR出黎送俾俊俊！

原來陳爸爸襯我O地去O左玩機動遊時自己用1張免費COUPON去玩拋木桶入O左2球有隻中獎呢！

跟住俊俊妍妍話要去打GOLF！

當我O地差唔多玩晒咁多個洞，陳爸爸就CALL我會合我O地！

一見到陳爸爸我好SURPRISE！

因為有隻超級大馬騮公仔呢！

係用O左2張免費COUPON玩O左2共16個幣中O左2次贏返黎O既！

拎住呢隻O野行O的人係咁望住，仲有人問我點玩到呢！

我話詳情要問O下爸爸呢 ^^

玩完公仔俊俊妍妍再黎多次玩機動遊戲，每個GAME前後共玩O左2次，最後仲玩埋彈彈床添！

好彩我O地早去到，可以玩到2次，個套票真係咩都抵返晒LU！

我O地玩O左5個幾鐘，當我O地走時已經開始越黎越多人喇！

陳爸爸仲話好彩早O的去到，唔係都未必玩到O的大公仔呢！

今次嘉年華真係好抵，無用過錢就可拎到3隻公仔返屋企！

全日連買O野飲只係使O左$400，就可以玩足半日同有咁多禮物拎返屋企！

今個猴年真係開始得唔錯，真係一個好兆頭呢！

猴年大年初一陳府團拜

送羊迎猴，新一年猴年到喇！

今朝食過婆婆煎O既年糕同蘿蔔糕，就出發去荃灣美皇團拜喇！

我O地今年準備O左腰果禮盒俾一班親戚！

終於都見到半歲大O既細佬仔一面喇！

真係好抵打豬呢！

食過團拜飯後，就轉戰東華嘉年華喇！

今日只係去視察，等聽日早小小入場先買全日任玩套票俾俊俊妍妍玩餐飽呢！

2016年2月7日星期日

年29，團年+入利是

是日年29，當然要黎個傻豬之家團年飯啦！

有盤龍鱔，乳鴨，燒肉同蝦蝦大笑！

今年仲有兩個好幫手幫忙入利是添！

又可以慳返O的時間做其他O野呢！

2016年2月4日星期四

Friso x Ritz Carlton麗思兒童原野探奇之夜

Friso由細到大陪住俊俊妍妍成長，唔經唔覺已經4年半喇！

早排正同陳生討論緊1月無旅行去，當好失落之際…….點知就收到電話，我O地傻豬之家好榮幸獲美素佳兒邀請去澳門麗思卡爾頓酒店 (Macau Ritz Carlton)參加「麗思兒童原野探奇之夜」，等我O地同俊俊、妍妍一同體驗既好玩又有趣O既兒童設施，歡度一個美好的週末。

今次旅程包括：
「麗思兒童原野探奇之夜」包括：
 經濟位來回船票
 一晚尊貴行政套房酒店住宿
 酒店房間特設「麗思兒童」帳篷帳篷設置及填色用品、麗思兒童禮品包、小食等
 房間備有金裝美素佳兒®3及4號配方奶粉及牛牛毛毯
 24小時尊享麗思卡爾頓會所設施
 免費享用「麗思咖啡廳」精選下午茶一次(時間:下午3時至5時半)
 首兩小時免費遊玩「JW兒童樂園」

記得上次同俊俊妍妍去澳門已經係大半年前O既事，今次俊俊妍妍一知去澳門，就問係咪要搭船嫁？！估唔到佢O地仲記得。

我O地搭9點船，10點就到O左氹仔碼頭。去到有麗思(Ritz Carlton)O既工作人員用I-pad 顯示”Milka’s Family”黎迎接我O地。

坐酒店專車唔使10分鐘就到O左麗思(Ritz Carlton)酒店喇！跟住就開始我O地2日1夜O既難忘之旅喇！

經過一輪O既事前準備工夫後，我O地先去O左麗思(Ritz Carlton) 53/F O既24小時開放O既會所享用免費午餐 (應該係全日由07:00 – 22:30 O既早/午/小吃/下午茶/飯前點心/甜點都係免費)。一到O左53/F就見到一樽樽O既糖果恭候。

呢度係全自助式，有沙律吧、生果甜品吧、主食吧、餐飲吧。俊俊同我整O左SNACK盤，妍妍同陳生整O左沙律盤。今日O既主食有香煎三文魚扒同豬柳，兩個主食都好好味，俊俊妍妍食得超開心。

食完O野就去O左3/F O既Kids Club玩喇，一入門口有個旋轉滑梯+波波池等緊俊俊妍妍。俊俊妍妍急不及待就一支箭咁入O左去玩，呢種滑梯係俊俊妍妍最愛，滑完落黎仲可以用游水老師教O既自由式O係個波波池暢泳，睇見俊俊妍妍都真係好爽吓 ^^

除O左個波波池，仲有個繩網陣，俊俊妍妍一下子就爬到上最高，仲O係上面由左至右行O左個圈添，俊俊仲唔捨得返落黎。O係繩網陣後面有條孖滑梯，俊俊妍妍兩個仲要我O地數1、2、3滑落黎，話睇O下邊個快O的喎。

再黎仲有個跳彈床，俊俊妍妍除O左彈O下彈O下外，仲玩左右撞柱，仲扮跌倒，睇見都覺得開心，好想自己入埋去玩添！

玩到咁上下都夠鐘check in 上房喇！

入到房，俊俊妍妍”嘩”一聲，因為一入房就有酒店準備O既兩個「麗思兒童」帳篷喇！帳篷入面仲有Friso x Ritz Carlton (麗思)窩心O既紀念品。有Friso 牛牛毛毯，美素佳兒3號及4號Ritz Carlton O既獅子公仔，Ritz Kidz專用手提袋，人手畫有公仔IRON MAN同FROZEN 公仔O既Welcome card同塗色書。仲有兒童專用洗髮水、沐浴露、身體乳液，仲有橡皮小黃鴨同兒童牙刷。